彭浩翔今日喺銅鑼灣誠品為佢嘅「地下教育」新書舉行發佈會，今次呢兩本散文集，包括《恨的地下教育》同《愛的地下教育》。

講到電影，彭浩翔透露正籌備古裝武俠片，佢話：「今次有3部曲，所以劇本要一齊寫，最快要明年年底先開機。」搵余文樂同楊千嬅拍？彭浩翔表示當然想，不過佢笑住話：「要睇佢哋有冇期，樂仔結婚，千嬅又唔知會唔會走去生仔，意外嘅嘢好難講，可能慶功飲多兩杯。我好鍾意武俠片，又未拍過第二啲年代，所以想試下。」會唔會3D？佢表示：「未諗定，可能會拍IMAX，因為我近視，本身唔係特別鍾意睇3D，眼鏡再帶3D眼鏡會好辛苦。」

此外，對於樂仔結婚，彭浩翔話未搵對方：「我都係噚晚先返香港，聽日又飛喇，所以我哋未聚，我都係睇IG啲相先知佢結婚，所以我都係喺網上恭喜佢，等佢返嚟約，不過千嬅都忙演唱會，我應承咗千嬅幫佢嘅演唱會整少少片段，我會去睇。」

更多娛聞，喺晒《娛果》
http://fb.com/appledailyent