【拆局】
啟德的「樓換樓」煥然壹居化身「高檔居屋」，單位實用面積呎價打八折後亦過萬元。煥然壹居位處啟德臨海靚地皮，原本市建局是預留做私人樓盤，部份單位就會給受重建影響的樓換樓住戶，但特首梁振英在今年施政報告提出轉作資助房屋，消息人士指市建局根本不願意擔當資助房屋提供者的角色，故今次在定價上「擺到明玩嘢」，以便日後「大條道理唔使再做資助房屋」。
消息人士指，「蘇慶和上場後只係睇住盤數，唔想蝕錢，啟德塊地咁靚本來可以賺錢，轉做資助房屋市建局冇着數，但係梁振英開到聲要做，冇得推」。早前市建局曾有消息指，繼啟德後，馬頭圍道的重建項目也可能轉作資助房屋出售，「蘇慶和根本唔想再做資助房屋」。