「狼人」澳洲男星曉治積曼（Hugh Jackman）最近為咗拍《狼人》第3集而勤力操弗自己，不時於instagram上載健身片段，見到佢練到一身肌肉。47歲嘅曉治一向都Keep得好，不過佢噚晚上戴自己正準備開餐嘅相突然老咗10年，佢面露疲態，臉上有老人斑之餘，眼袋亦好大，令粉絲都好擔心佢身體出現毛病。唔少人喺IG留言叫佢休息多啲，唔好太操勞。

其實曉治呢個殘爆Look好大機會係化妝，因為《狼人》第3集係以漫畫《Old Man Logan》為藍本，講狼人老咗嘅故事。曉治為咗呢個造型留咗一臉鬍鬚，仲有唔少灰白鬚根。有死忠粉絲話無論曉治點樣都一樣咁有型！