柴灣小西灣商場三年前在商場天台加建抽風系統後，日夜發出噪音，滋擾商場兩旁屋苑曉翠苑及小西灣邨居民。居民指出，雖然向環境保護署反映，不過，三年來毫無改善，居民質疑有關部門制度僵化，沒有實際關切居民所需。

居於曉翠苑的劉女士坦言，一家均為小西灣商場的噪音問題而飽受困擾。「自從商場改咗抽風系統後，日間已經嘈到耳仔『溫溫聲』，夜晚就全程冇覺好瞓；同環保署講，佢哋又話唔超標，咁投訴嚟都冇用啦！」
曉翠苑每座樓高三十二層、毗鄰為小西灣邨，雖然曉翠苑與小西灣商場之間，還有小西灣邨瑞益樓相隔，但劉女士稱，她的家位於高層，而小西灣邨每座只有二十六層；故形成「全面接收」噪音局面。

「好似打鼓咁響」
劉女士的丈夫呂先生指出，自三年前鄰近的小西灣商場在天台加建抽風系統後，噪音問題自始發生。「以前都唔係咁，自從改咗個抽氣系統之後，成日都冇時安寧，夜闌人靜時，商場頂機器發出嘅聲，直頭好似打鼓咁響，重點瞓到覺呢？」
劉女士稱，他們曾向環保署反映，但該署總以「沒超標」來作回應，「因為唔超標，所以部門都唔會有乜行動，咁我哋都冇辦法；我哋只係希望有關部門可以實際啲，調整釐訂噪音嘅標準，修訂有關管制條例，體恤市民實際苦況！」
另外，居於小西灣邨的黃小姐亦投訴稱，自小西灣商場在天台加建抽風系統後，抽風機發出的「隆隆聲」無日無之，「啲聲由夜晚一、兩點一直到第二朝，好彩我返夜班，可以晏啲起身；但其他返正常上班時間嘅屋企人就要忍！」