【本報訊】32歲初戀男疑遭姊弟戀女友性虐待案，女被告繼續作供，辯稱從無襲擊男事主，反是男方做愛不舉才自行用風筒吹下體至發紅，聲稱可收熱脹冷縮之效。至於事主早前指遭她淋滾水及用鉸剪插心口，被告昨指曾想放棄關係，要求事主離開住所，但事主拒絕並稱「為咗你死都得」，及後她發現事主受傷。

指紋身仿效王菲霆鋒戀

女被告麥凱晴（又名麥嘉雯，39歲；圖）供稱，男事主X自責在飯局上沒阻止親戚游說她獨力支付買樓首期，同晚在她的住所內撼頭埋牆。她否認用金屬凳襲擊X，謂：「我咁愛佢，點會呀？」

被告又指，有天兩人午膳後做愛，但X不舉，X遂自行走入廁所，一手捉住陰莖，一手拿着風筒，看似在吹自己下體，並忟憎地說：「搞咗佢好耐都搞唔到，唔生性。」X及後稱上網看過用熱風吹下體有冷縮熱脹作用。

被告續稱，曾在家中跪地要求X放過這段關係，後來她躲在睡房哭，準備梳洗就寢時看見X坐在客廳，身旁有水煲和鉸剪，地上有一灘水。她稱X心口有傷痕，狀甚痛苦，X更央求：「BB我冇咗你唔得，我為咗你死都得㗎，求吓你唔好唔要我。」

至於X的紋身，被告指X有見藝人王菲與謝霆鋒的姊弟戀情澎湃，想仿效與被告一起紋身；但她怕痛，打算婚後才處理。

控方指，被告陪同X求診是要控制X，令他不能道出受傷真相。被告否認謂：「咁大個男人，點控制呀？」聆訊今續。

案件編號：DCCC1193/18