【李八方online】葉劉個朵好嚇人?新民黨社區主任派年曆 暗花黨名隱藏身份
民建聯新民黨葉劉李八方ONLINE孔永業吳卓璟
新民黨地區發展主任孔永業大派嘅年曆內頁除咗正常地有中、英文姓名同聯絡電話,但唔見任何黨徽。
多得「反送中」運動,建制派為保住區選選情,唔只派嘢份量同次數統統升級,連出年即2020年嘅掛牆年曆,都較往時早咗好多派。查實派嘅目的,都係接觸街坊親自宣傳,所以個月曆上有政黨地區人士嘅嘜頭同宣傳,一啲都唔令人意外,最意外反而係,既然要宣傳,點解又要猶抱琵琶半遮面?
有讀者向八方報料,話預料會喺北區石湖墟力撼民主黨林卓廷嘅新民黨地區發展主任孔永業,已經喺9月搶閘,大派好多師奶爭住要嘅2020年年曆,而佢喺年曆內頁嘅自我介紹,除咗正常地有中、英文姓名同聯絡電話,卻唔見任何黨徽噃,只係有啲暗花字隱約可見New People's Party,即係新民黨英文名,如果唔落足眼力睇,真係唔會睇得出,霎時間可能會覺得佢係獨立人士添。
早喺今年3年,盛傳出會落戶沙田烏溪沙選區嘅民建聯社區主任吳卓璟,亦被網民發現佢喺港鐵大賣嘅燈箱廣告,但就無標明佢所屬嘅香港第一大黨民建聯標誌,有網民質疑佢混水摸魚:「唔Key logo就以為人哋唔知你係民建聯呀?」
八方真係好想問,乜建制派呢個招牌,真係咁得人驚,要遮遮掩掩唔敢見人?
-----------------------------
日期:2019年9月13日
時間:晚上7時半集合;晚上8時起牽手築人鏈
地點:各區公園、遊樂設施
參加者可叫「五大訴求 缺一不可」、「光復香港 時代革命」、「我要真普選」、「平反721、831」等口號,向國際社會展示港人打不死的精神。
-----------------------------
日期:2019年9月15日
時間:下午3時起步
起點:銅鑼灣東角道
終點:遮打道行人專用區
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港