【湊囝自然瘦】人妻「雷神」密冚36F巨胸 求贊助還原靚靚球
雷神雷凱欣
34歲「雷神」雷凱欣逃離娛樂圈做人妻,去年為車行太子爺陳智聰一索得男,囝囝現已14個月大,肥肥白白好可愛。噚日「雷神」在社交網晒出海遊船河相,着黑色一件頭泳衣密冚36F身材,不過,呢件泳衣係胸口透視設計,其中一張相高炒角度好誘惑。
「雷神」自爆產後冇收身,在Ig留言:「今日呢套one piece太靚靚,着得我高貴性感身材好,我決定post夠8張,拎番個好意頭。無減肥嘅媽媽算係咁啦,湊仔自然瘦大法,食無定時係主要原因,個仔未食完你都咪使至意食,成日餓足一日食一餐,我唔係投訴,忙中有愛,都幾好當減肥,反而食宵夜,零食係必需的。」
女人都係貪靚嘅,「雷神」叫網民讚佢瘦,仲搲贊助還原靚靚球:「其實身材變晒樣,有嗰樣無嗰樣,全靠泳衣嘅錯覺,唯有露背,呢件衣櫃一定要有,又可以出海又可以出街,搵次影個去街look,有無人贊助我還原靚靚球,有無美容院可以畀我帶埋個仔,我個仔係我嘅自拍神器,帶住佢會顯瘦。」
精選娛聞,喺晒《娛果》
http://fb.com/appledailyent