【悔上賊船】
死於亂刀下的金淑英三母女合葬在深圳沙灣吉田墓園，墳頭對正香港這個帶給她們希望，同時讓她們絕望的地方。淑英胞妹立敏稱，每年家人都會抽空拜祭，但仍無法釋懷，每逢過時過節，父母更倍添傷感，母親時刻埋怨淑英為何要來港踏上不歸路。

外婆不知全部真相

立敏稱，大家姐淑英與外婆感情最好，為避免外婆傷心過度，家人至今不敢將全部真相告知。大家姐亦曾向她報夢，夢見兩姊妹年幼時一起玩耍的快樂時光，回想起亦替她不值：「淑英為屋企人、為我哋做咁多嘢，自己都冇享受過，仲要受嗰個衰人嘅氣！」
雖然前車可鑑，但立敏與二姐（圖）同樣嫁給港人，亦感到新移民的壓力：「梗係有啲唔慣啦，都有歧視嘅，低一等嘅感覺就好似冇喇，只不過覺得我哋好似好壞，總之唔好啦……喺大陸輕鬆好多，後悔冇計啦，鬼叫上咗賊船！」她稱大姐夫家事後並無與她們聯絡：「完全冇呀，都唔想提嗰個人！」
《蘋果》記者