韓國賣座電影《與神同行》嘅下集《與神同行：終極審判》，將於下月港、韓同步上映，香港下月1號起會有優先場，同月9日正式上映。

噚日韓國方面就公開咗《與神同行》下集長達半分鐘嘅主預告，而今日香港電影商亦公開香港版繁體中文字幕預告，當中同韓版預告一樣，公開咗河正宇、金香起等人嘅古裝造型曝光，同時馬東石亦自爆自己曾經係地獄使者。

上集《與神同行》有唔少經典台詞，令觀眾留下深刻印象，好似「不要為過去的事浪費新的眼淚。」、「錢對你來說是神嗎？、「活著不去做的事，死後卻拼命挽回？」而《與神同行》下集同樣延續金句熱潮，喺預告中已可見金句不時出現，當中喺人間千年歷盡生死嘅「成造神」馬東石看透人生，喺片中講：「有一件事，我好肯定，世上沒有天生的壞人，只有壞處境。」台詞發人深省。

《與神同行：終極審判》港版預告： https://bit.ly/2KPm1lv

更多韓流，喺晒《娛果》
http://fb.com/appledailyent