【我騎贏潘頓喎】砌低600萬新勝馬!梁家俊笑到咁嘅樣

蘋果日報 2018/12/16 15:48

梁家俊文家良開懷大少

所謂人算不如天算,潘頓今午(16日)沙田日賽原本順風順水,第三場開始直落得三Win,三匹頭馬「連利福將」、「寶正寶」及「暴風俠」全屬半冷門,偏偏跑到第六場他騎熱門「浪漫鐵人」卻出擊失手做阿二,未能讓自己食出大四喜。
第六場四班1600米,頭馬是文家良馬房、梁家俊執韁的「開懷大少」,此駒沿途居中,直路後上氣走沿途貼欄放頭、日本城老闆劉栢輝以600萬購入的本地拍賣馬「浪漫鐵人」。最終「開懷大少」贏0.75馬位跑第一,單Win及組合獨贏A2分別派107及26.5元,反而「浪漫鐵人」在潘頓胯下屈居亞軍,連捷失敗。
「開懷大少」敲響本身今季勝鼓,且與新配搭梁家俊一拍即合,賽後家俊仔笑不攏嘴,似乎非常滿意自己砌低潘頓「浪漫鐵人」的表現。
此駒同時是文家良季內首度與梁家俊聯手建功,家俊仔近日手風回順,先後勝出「鑽得勁」及「開懷大少」,今季頭馬升至八場。
「開懷大少」廐主文家良季內達至齊頭十Win,他在近五次賽事四次有馬贏,一共有五匹頭馬,均是由10倍至48倍的冷門,而且清一色出自本地騎師手筆,數據值得存記。
第六場第二至四名順序為「浪漫鐵人」、「帶榮來」及「真跑得」。
empty
梁家俊贏馬開懷地笑
empty
開懷大少(近)氣走浪漫鐵人(藍衫)爆出半冷Win
empty
文家良近績理想
empty
開懷大少
empty
開懷大少
empty
開懷大少
empty
亞軍浪漫鐵人騎練潘頓、沈集成(左)