日本女子組合NMB48嘅20歲成員須藤凜凜花，月前在「第9屆AKB人氣總選」上突然宣佈結婚，令到粉絲大受打擊，而須藤凜凜花事後亦表示會退出AKB家族。

須藤凜凜花本來備受力捧，不過犯禁拍拖結果選擇退團發展。凜凜花已定本月30日正式畢業，屆時會於NMB劇場開最後一騷，而佢亦會參與NMB大碟《難波愛》於8月26日舉行嘅握手會活動，佢揚言離隊後唔會引退，今後仍繼續會在演藝界發展。

近日，NMB位於大阪嘅官方店就掛出凜凜花親筆留言，除答謝粉絲一直支持外，佢自言已決定到德國留學，望取得博士學位才返日發展，有人懷疑佢已跟圈外人男友分手。