今朝早（16日）見到一對騎練文家良同巴度於烽火台搭晒膊頭，仲要任影唔嬲，兩個人好似好老友咁款。

睇番周三（18日）沙田泥地夜賽，文家良出馬三匹，其中「威旺財」同埋「瀟灑王子」交俾巴度打骰。在此之前，巴度已親身為兩駒進行試跑，唔怪得騎練好似咁老友咁啦！

其中角逐第二場五班1800米的「威旺財」，今季試過於泥地1650米贏過，可見泥地性能唔錯。雖則今次首次增程跑，但本身上季都試過於田草1800米上過名，證明有一定長力。

再者，文家良今季三匹旗下戰馬初配面箍跑，共獲得一冠一季一第五。今仗文家良為「威旺財」添加面箍。結合以上數據同動態，呢匹馬點都要率先留意。