當年今日
關於我們

【鷹眼唔認拍拖】謝婷婷又兜到:佢返屋企都話俾我聽,人哋問佢呢個問題

蘋果日報 2017/09/29 21:00

婷婷鷹眼不認愛

彼得曾三次不認主。
「鷹眼」謝洛美維納(Jeremy Renner),不認愛謝婷婷。
婷婷之前還向傳媒稱,她否認與鷹眼拍拖後,鷹眼家人問她:「點解你唔認咁笨?」的確,婷婷每次出席活動,都大方回應佢同鷹眼嘅感情發展,以默認或暗示讓大家知道,Jennifer係完全掌握鷹眼行蹤,關係儼如男女朋友。
今年7月底,鷹眼接受《蘋果》特約記者Lilly Lui專訪時,首開腔回應與婷婷關係,他說:「我們只是朋友(No, we are just friends)我遲些也會到澳門出席澳門電影節的大使,我拿了一個十年的中國簽證,亞洲的觀眾們會常見到我啦!」說的是今年12月8號至14號舉行嘅電影節。
報道一出,婷婷沒有回應,只是很突然的,在ig流出一張婷婷出席鷹眼新片首映,兩人並肩而立,仲有個疑似太空acc.讚美兩人係絕配嘅couple……之後婷婷一直在美國讀書,甚少在香港露面。
直至今日。
婷婷、馬詩慧、鍾浠文、陳君宜、楊采妮、等到中環ifc出席la prairie活動。問婷婷:「好耐冇見喇!」婷婷笑笑口話係呀:「係呀,啱啱去完羅省呀三藩市,喺嗰邊平日就返學,weekend就探朋友。」幾時完成學業?婷婷爆咗句:「冇得完0架!有啲同學讀咗8年,我都好鍾意呢個先生,每次都令我可以自我增值。」
先生係男仔嚟嘅,係咪暗戀阿Sir呢?婷婷就話:「人哋有老婆同仔0架,唔通係男仔就要鍾意咩?」又啱喎!
再問婷婷有否考慮在彼邦生活?婷婷就話唔會,因為佢好鍾意香港;但去荷李活發展?婷婷即刻話:「有機會一定會!」叫鷹眼幫手?「佢呢啲唔叻0架,如果係一早叫咗哥哥幫手啦!」
咁平時Weekend有冇陪鷹眼?婷婷就話留喺三藩市陪同學多啲。「平時我就返學,佢都忙緊拍戲,不過都有見過幾次面,好似首映咁。」係咪首映之後就冇見?「都有見過一次嘅。」喺咪約食飯?婷婷報以微笑。即係約會中?婷婷又話唔係。
講來講去,咁你哋依家關係點?
「都係朋友。」
但鷹眼不認愛,有冇唔開心?
婷婷答:「我都係咁講,因為係事實。訪問時我都喺度嘅,佢啱啱返屋企,都話俾我聽,人哋問佢呢個問題。」
!!!!!
溫馨回帶:
【鷹眼唔認愛婷婷】最新合照流出
神秘留言:Nice and happy couple!
http://bit.ly/2fwMORz
【《蘋果》獨家】係定唔係?「鷹眼」謝洛美維納首開腔 剖白與婷婷關係
http://bit.ly/2x1zRdp
【繼續講鷹眼】謝婷婷話唔想俾人標籤:覺得我同邊個邊個有關係
http://bit.ly/2xFIwSF
empty
empty
empty
攝影:陳俊強
empty
係咪首映之後就冇見?「都有見過一次嘅。」喺咪約食飯?婷婷報以微笑。即係約會中?婷婷又話唔係。
empty
empty
「訪問時我都喺度嘅,佢啱啱返屋企,都話俾我聽,人哋問佢呢個問題。」