歐聯16強抽籤結果已經揭盅，英超球隊有喜有悲，其中熱刺將要面對意甲的祖雲達斯，車路士則要硬撼西甲豪門巴塞隆拿。然而兩支英超隊的英國球迷，紛紛在網上留言表示樂觀，點解佢地會咁有信心呢？

先講熱刺，原來今個夏天的季前熱身賽，熱刺曾於主場憑哈利卡尼和基斯甸艾歷臣各入一球，以2:0擊敗祖雲達斯。而該場祖雲達斯同樣是精銳盡出，保方、希古恩、保羅戴巴拿、文迪蘇傑等均有上陣，故不少刺迷認為球隊有能力在歐聯賽場，再次戰勝對手。

而車路士抽中巴塞隆拿，原來巴塞王牌美斯8次上陣對藍戰士，均是粒顆無收；加上兩隊在歐聯賽場的12場對賽往績，車路士取得4勝5和3負的成績，往績輕微佔優，故車仔球迷對抽籤結果仍表樂觀。

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM