賴：賴維銘
記：記者吳文輝

記：我知你同何澤堯好老友，亦十分支持呢位師弟，佢今季繼續有好成績，你都應該戥佢高興。

賴：何澤堯一向十分努力，加上本身有天份，得到咁多支持並非僥倖。今期（18日）快活谷賽事，佢師傅方嘉柏在第三場四班1650米，為佢提供「肥仔威威」呢匹實力馬，應有機會取勝。

呢匹拍賣馬上季由短起家，跑1200米根本跟唔上步速，質新馬準備足夠先至增程1650米，該役早段居中，入直路後遲遲才撻得着，以極佳追勢跑得第二，相信仍需更多進步。其後一仗遇慢步速姍姍來遲得季軍。

至於上季尾最後一役事故多多，大敗70多馬位不能作準。唞暑後「肥仔威威」有正常操練，試閘輕描淡寫，走勢日漸純熟，今場真正強手唔多，有何澤堯壓陣可望取得首捷。

記：至於另一位師弟蔡明紹今季做咗冷殺手，剛戰又憑30倍大冷「百勝龍」報捷，你又點睇佢今期的戰馬機會？

賴：蔡明紹今期座騎唔多，但不妨留意他第七場三班1200米的「騰龍超影」。呢匹蘇保羅旗下賽駒，上季大部分時候都是由郭能執韁，演出十分準繩，可惜偶而失出先機，早段落後下只能靠本身忠心追得接近。

蔡明紹起步醒目，今場「騰龍超影」排2檔起步，預計可以攞到欄跑，試閘雖然包尾，但沿途按實走勢唔差，火力俱備，忠心馬有權坐位望贏。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港