台灣金曲歌王蕭敬騰將於8月30、31一連兩日於紅館舉行《蕭敬騰娛樂先生世界巡迴演唱會 – 香港站》，門票亦於今日正式公開售票。因忙於舉行巡迴演唱會的關係，老蕭無暇來港宣傳，結果這重任交由他的「孖生」兄弟向佐負責。今次向佐以特別新聞報導形式，同觀眾宣佈演唱會事宜：「有鑑於我嘅好兄弟蕭敬騰先生，即將在香港舉行演唱會，但佢本人公務繁忙，所以有以下呢則特別新聞報導，交由我代佢宣佈有關演唱會嘅事宜。老蕭將會演唱近100首經典名曲，快歌、慢歌、情歌、跳舞歌、兒歌都會一一唱出，至於表演嘉賓方面，Lady Gaga、Ed Sheeran、Justin Bieber、郭碧婷、龍五等等嚟唔到之外，基本上都應有盡有，又或者大家對於老蕭演唱會嘅演唱曲歌同嘉賓上有任何意見，歡迎留言俾我，我會考慮一下你哋嘅考慮，今日特別新聞報導完畢，再會！」

老蕭亦跟住回應：「好！謝謝向佐幫我官方宣傳。現在就溫馨提示大家：記得帶雨具以防下大雨！8月30號、31號，香港紅磡體育館，到時候見！」接着兩人換了衣服，以視像來個遙距合唱，先由向佐唱出《新不了情》其中一段：「回憶過去，痛苦的相思忘不了，為何你還來，撥動我心跳！」然後到老蕭接下去唱出：「愛你怎麼能了，今夜的你應該明瞭，緣難了，情難了。」當以為有得繼續聽下去時，另一個好兄弟謝霆鋒突然出現說：「哎吔！唔該你哋兩個唔好唱喇，如果想聽老蕭唱歌，梗係要去睇演唱會喇！」

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9