谷草明晚（4日）第一場五班1000米，「金剛秀」雖然已經係一匹退化中嘅七歲馬，但今季表現都仲叫做有兩腳，前仗影相僅敗就唔好彩。

上場就形勢唔好留得太後追唔切，即係睇得出呢匹馬嘅狀態唔差，今次備戰更加完整，睇嚟鄭俊偉都想盡地一煲。

呢匹馬谷戰短途最耍家，加埋今次抽到1檔好運到極，呢兩場都係由利敬國策騎，已經熟知呢匹馬嘅性能，馬房未夠數實鍊盡。

第七場三班1650米，「童話」六歲北半球馬終於成熟，以為去年底響第四班可以打開勝門。

但最後係連番入位後重返第三班孭輕磅打破悶局，贏來有餘未盡，當然莫雷拉應記一功。

今次雖然莫雷拉棄騎，但潘明輝同呢匹馬一樣咁夾檔，發揮唔會差太多，大熟大勇馬跑谷中一哩最擅長，當然有力爭奪連捷。

第八場三班1200米，「非凡品味」轉跑快活谷後，表現穩定得多，五戰1200米米交出三冠兩亞頂級成績，上場仲以一放到底姿態輕鬆克服第三班，今年五歲睇嚟更加勇銳！

呢匹馬越戰越勇，今勻可以繼續響三班出賽，雖然負磅再重啲但都係贏晒卡士，呂健威依家同姚本輝爭榜首已去到寸土不讓階段，當然會鍊盡！

-------------------
唔使自己刨得咁辛苦 精選貼士懶人包
即睇【今晚Tip馬夜唔夜】
-------------------
【馬後炮】韋達三大熱門死剩一隻 「無敵勇士」僅敗蔡明紹騎得老襯
即睇陳華棟同Dylan點詳細分析
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩