當年今日
關於我們

本田圭佑教柬埔寨 人權組織表示關注?

蘋果日報 2018/12/18 16:40

人權觀察洪森本田圭佑柬埔寨

國際人權組織「人權觀察」星期一發表報告,表示對執教柬埔寨國家隊嘅日本球星本田圭佑表示關注,到底呢位日本球星因乜事被「關注」呢?
「人權觀察」喺星期一發表嘅報告就指出,關注本田圭佑同柬埔寨獨裁者洪森嘅關係密切,擔心佢嘅身份不利於柬埔寨嘅人權發展。
原來柬埔寨足總主席桑加係首相兼最大政黨領袖洪森嘅副手,亦都係柬埔寨警察兼軍隊總司令,所以請本田圭佑執教嘅問題上,洪森政權都有份話事。「人權觀察」就指洪森同桑加長年執政期間涉及大量非法逮捕、拷問同處刑等違反人權事件,又操控國內嘅言論同新聞自由,認為本田同洪森呢個觸犯戰爭罪行嘅政治人物有工作上嘅關係值得擔憂。不過報告亦有讚賞本田圭佑願意為充滿戰爭同貧窮嘅柬埔寨出力,對本田深感敬意。
而本田嘅經理人公司就發表聲明,指本田從來冇同洪森以及桑加會面,本田亦都認為體育同政治問題應該分開看待。重申本田出任柬埔寨教練只係希望為當地嘅兒童作出貢獻,而且亦都無意因為呢份人權報告嘅內容而辭去相關職位。
--------------------
新球季,新陣容!利物浦 FC 18-19季球星進駐《BFB》!立即帶領紅軍,踏上登頂之路! http://bit.ly/2oQObi1
--------------------
《體蘋果》陪你睇波講波
https://www.fb.com/appledailysports