日本熱播嘅BL神劇《大叔的愛》，由33歲男星田中圭飾演戇直男主角春田創一，在職場捲入複雜嘅HEHE關係也懵然不知，角色令觀眾對田中圭好感度大增，入行18年，終於有一套代表作，香港劇迷可透過Viu煲劇app緊貼日本追劇。

田中圭就讀中三時參加2000年電影《死者的學園祭》嘅新人選拔，勝出者可以同女主角深田恭子扮情侶，雖然田中圭名落孫山，但就贏得拍廣告嘅機會，繼而入行展開演員生涯，參演過《Water Boys》、《在世界中心呼喚愛》、《太陽之歌》等日劇。

不過，田中圭多年來被指是配角材料，在影視圈發展處於半紅不黑，直至接拍《大叔的愛》才帶旺人氣，憑住劇中正直又可愛嘅性格，令升格「男一」嘅佢終於吐氣揚眉，《大叔的愛》更成為田中圭首套代表作，工作量隨即急增，佢已接拍下一季7月開播嘅全新日劇。

貴為人夫嘅田中圭瞬間成為同志界天菜，其實佢已經係兩個小孩嘅父親，2011年宣佈與女星Sakura奉子成婚，結婚後已育有兩個囡囡。除了現任太太，田中圭入行以來都有不少緋聞女友，當中與人氣女星香里奈最有緣，並因多次合作而一度盛傳撻着。

精選娛聞，喺晒《娛果》
http://fb.com/appledailyent