等到頸都長啦啦啦啦！陳法拉繼喺《師奶兵團》着三點式，同埋《有營主婦》除淨個bra之後，今晚法拉再進一步挑戰電視尺度：上身+背面------------->全裸呀！！！

大家上個星期估咗勁耐，陳法拉同Cool魔（張智霖）有女上男下激烈床戲，但香港版就話會刪，得大馬同新加坡等地有得睇，觀眾當然想捕住電視畫面，睇吓刪淨啲乜，最後總算有好大驚喜！

劇情係咁嘅，話說Holiday(陳法拉飾)，因為成日遲交功課，俾Sam哥(吳鎮宇飾)排到最後先有得坐飛機飛上天，輪到佢嘅時候，又因為有雷暴警告，要留喺地面，冇得飛，Holiday當然頹，惟有自己整機頭模型自娛，又俾Cool魔見到喎，咁大家知啦，Cool魔係世界級媾女王，梗係即刻帶佢上天...飛啦~~

唔好理佢哋喺天上係幾咁「電腦feel」，總之降落之後，Holiday就超興奮喇， 跟住無意見到Cool魔手上有佢前度嘅手鈪鎖匙，Cool魔一開，法拉就即刻覺得自己嘅心結終於解開，又話Cool魔一直喺佢身邊出現，係destiny之類，喊之外(真係有兩三滴眼淚0架！)，Holiday就同Cool魔咀嘴喇。 講起呢隻手鈪，好多人都話

後知後覺嘅Sam哥，雖然都想搵Holiday帶佢上天，仲喺搵佢嘅時候喺佢房見番triangel，不過，當見到Cool魔同Holiday纏綿緊，惟有黯然神傷囉...

好好好，講戲肉喇，Cool魔同Holiday一撻著，就把握時間二人世界，連機師班最後一堂都唔上喇，去咗遊車河，仲遊到油都冇晒添！咁就去咗一間冇人嘅屋，孤男寡女共處一室，就係曳曳嘅時候喇。

Holiday先跳一part艷舞色誘Cool魔，然後再主動騎上Cool魔度，又用領帶蒙住Cool魔對眼，大玩SMfeel。跟住嚟料喇，Holiday一除，真係疑似冇戴bra呀！場面好香艷囉﹗

可惜嘅係，當大家以為Holiday及Cool魔仲有更激戲份時，呢個時候，就...去...廣...告...啦﹗真係吊癮﹗唔少網民喺網上熱烈討論呢場戲。

睇嚟，真係要睇返海外版先知仲有幾激喎﹗