繼滬指今早低見3260點後，恒指今日也持續不穩，跌幅曾超過1000點，半日報21369點，跌1039點。在九龍灣證券行內，有散戶指「𠵱家啲貨好平喎」，亦有人指「你手上揸嗰啲仲平呀，夠唔夠膽話你補貨吖！」

散戶李太表示，自己現時要捱麵包，承認自己都有輸，「點會唔輸錢吖，一萬幾千就實有」。

她指，上證綜合指數要跌至3000以下，才會考慮入市。她指現時「一浪低於一浪」，「呢個浪唔同上一個浪呀，上一個浪會升返」，又指中央救市救唔掂，指股市會一直向下，「唔識彈架依家」。

她稱手上大多都係現金，「都係要死守，冇現金唔得」，會保持實力，等待機會。

記者：劉曉鳴

掌握財經生活資訊，即Like「蘋果ATM」fb專頁啦！
http://fb.com/appledailyatm