唐詩詠、王浩信今日為大台新劇《不懂撤嬌的女人》去沙灘拍攝外景，其中同場嘅孫慧雪、鄧佩儀同林秀怡因為劇情都着住比基尼上陣。

而女主角唐詩詠今日唔使着泳裝拍攝，不過佢就話如果劇情需要，佢都唔介意着泳裝出鏡，問到如果要性感使唔使問准男友洪永城先？唐詩詠崶直言：「無論另一半係咪圈內人，只要明白佢嘅工作就OK，着泳裝或者演親熱戲，只要明白就唔使多講。」而王浩信就笑言為咗同一班泳裝靚女拍戲，佢都除咗外套做掌上壓操肌示人「迎戰」。

咁多位泳裝靚女中，最性感嘅就係孫慧雪，佢就話男友唔會干涉佢做嘢嘅性感程度，不過睇嚟有拖拍嘅雪雪BB真係容光煥發唔同啲，仲有少少幸福肥，佢仲話今日着嘅黑色比基尼，其實係佢早前拍寫真集嘅私伙泳衣，今次「循環再同」係響應環保咁話。另外，鄧佩儀就話佢件黃色泳裝係早年選美嘅紀念泳衣，好彩o依家仲啱着，佢仲講笑話自己身材「資質有限」唔及孫慧雪咁犀利。