巴西球星尼馬而家仲喺祖國養緊傷，不過生活就依然多姿多彩，上星期五佢就喺社交網站上載咗佢同一班朋友玩德州撲克嘅相片，可以見到佢仍然要坐住輪椅，不過就表現得相當開心。

喺呢次牌局入面，尼馬仲邀請咗效力緊法林明高嘅巴西神童雲尼捷斯，呢位17歲小朋友上年就畀皇家馬德里「預購」咗，下年就會正式轉會，唔知尼馬係咪想同未來皇馬隊友預先聯絡吓感情呢？

尼馬轉投皇馬的傳聞越吹越勁，就連佢舊東家巴塞隆拿嘅名宿佩奧爾都要出嚟講幾句：「尼馬係一位職業球員，我覺得如果佢要去皇馬唔成問題」，佩奧爾就夠晒大方喇，但唔知一班巴塞迷又會唔會嬲咗尼馬呢？

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1