政府近日致力推空置稅，打擊發展商囤貨的問題，藉此釋放供應，據報道指，地建會上周五開會商討後，將向政府交3項建議，當中建議政府應一視同仁，將空置稅擴至二手樓。對此中原地產主席兼創辦人施永青指，發展商只是想「拉埋小業主落水」，現時二手空置率極低，推空置稅不會成效，反諷指「發燒先食退燒藥，你都無發燒，食咗退燒藥又退得幾多燒。」

對於政府有意推空置稅，施永青就認為，政府此舉是「討好市場上的民粹主義，證明佢無官商勾結，個個都話公私合營會官商勾結，所以我(政府)咪將發展商都斬佢一刀。」除此之外，他認為空置稅的效果相當「雞肋」，「(空置稅)實際效果唔高，你果樣野本身有問題，真係空置好多，你向佢施壓就可能唧到啲出嚟，香港發展商未入伙，都已經開盤，入伙前賣左7至8成，入伙後一年差唔多賣9成，邊度仲有貨可以唧到出黎，係全世界的發展商黎講，(香港)已經喺最積極賣樓的發展商，所以空置稅無實際增加供應的效用。」

至於地建會提出政府應一視同仁，將空置稅擴至二手樓，施永青直指，「二手空置率極低，無成效！」還嘲諷指「發燒先食退燒藥，你都無發燒，食咗退燒藥又退得幾多燒。」施永青認為地產商想「拉埋小業主落水」，所以提出此建議，不過「政府當然唔會拉小業主落水」，因為「一半家庭擁有物業，你就向佢地收空置稅，佢即使無空置，都覺得自己係呢種稅的受害者，佢地裝修、搬都會有空置，姐係政治不正確，得罪咁多小業主。」

全球樓行 Dream House零距離
https://hk.feature.appledaily.com/overseasproperty