舒淇不嬲都係男士心目中嘅性感女神，早前佢着咗條單膊Versace晚裝裙，以嘉賓身份喺上海海港國際客運中心參加Costa郵輪啟航儀式，佢一出現郵輪話事人同海軍上校都係咁圍住佢。講到就嚟去康城擔任評審，舒淇話：「我冇特別做預備功夫，不過早前喺一個party見到王家衛，佢喺做評審呢方面係過來人，比我有心得有經驗，我咪乘機向佢取經囉。」