【新增影片】
曼城中場奇雲迪布尼近日被翻舊帳，篤爆佢細個接受電視台訪問時，曾經話利物浦係佢愛隊。

迪布尼細個曾經喺真特青年軍受訓，11歲嗰陣代表球會踢一場青年隊盃賽，上演大四喜助球隊贏對手6:2，之後接受電視台訪問，就被問到最鍾意嘅球隊，佢就直言係利物浦。

「我最愛嘅球隊係利物浦，最愛嘅球員就係奧雲，希望大個可以為佢哋比賽。」迪布尼當時咁講。

雖然迪布尼鍾意紅軍，但家陣就著住淺藍衫為曼城效力，周日仲會隨球隊作客晏菲路，唔知利迷會唔會乘機喺看台上呼籲佢日後加盟愛隊呢？

--------------------
BFB CHAMPIONS 2.0 新年活動大放送！每日免費11連抽！立即加入 http://bit.ly/2xrTKGM