當年今日
關於我們

【亞姐總決賽】過氣亞姐拋波波爭峰頭

蘋果日報 2012/12/15 06:00

總決賽亞姐

今晚呢個「2012亞洲小姐競選大中華總決賽」,真係勁,佢最勁嘅地方,有兩個,第一,個名叫「總決賽」,其實未總得晒,只係大中華賽區,由二十位佳麗中選出十強晉身總決賽;第二,今晚位位佳麗出到嚟,都冇號碼牌,都唔知邊個打邊個。其實亞視藝員邊個同邊個都冇幾多人知,真係幾頭痕。

嘉賓方面,就有(又係)黎燕珊、(又係)羅霖、張家瑩、姚嘉雯同許瑩擔任「冠軍顧問團」,霍震霆、江華、蔣怡等人擔任大會評判。個個都博晒命,擠胸上陣,好似張家瑩谷胸上陣,佢話:「頭先要服裝間姐姐幫手先著到,不過為咗靚,冇辦法啦。」而穿上大露背裝嘅姚佳雯就話近日消瘦咗近十磅,要努力增肥喎。