身穿「早唞啦你」字樣圍裙嘅香港眾志周庭，昨午去新民黨攤位踩場，陳家珮（Judy）見狀先禮後兵同對方握手，同周庭講「多謝你過嚟支持我」，周庭就話知道好多建制政團支持Judy，特別着上述圍裙到場，隨即指好多街坊見Judy擺咗好多「空殼街站」但無人駐守，所以送上「旗海飄揚，芳蹤杳然」揮春，擔心將來街坊唔知點搵到佢。
早前英文受訪時出事嘅Judy話多謝「Angus」周庭即糾正「我叫Agnes」，Judy即用中文多謝周庭同佢打氣，指好多義工都好辛苦仍幫佢助選，真係難得。周庭即刻回敬「除咗義工，希望你真人都多啲落街站」，指候選人最重要係落街見巿民，唔係搵權貴同前高官拍片當做咗嘢。