【向鄧智偉迫婚不遂分手?】34D高質高海寧反問:我使迫婚?
高海寧咪神分手鄧智偉Zoie飛虎極戰
高海寧同譚凱琪(Zoie)今日喺旺角出席手袋品牌Paprika明星店長活動,對於有報道指高Ling迫婚不遂,同男友鄧智偉冷戰(新聞連結: http://bit.ly/2sdy4MM ),高Ling回應話:「我使迫婚?唔係呀嘛!呢單嘢得啖笑。」問佢係咪喺ig透露唔心情唔開心?佢話:「我都有出過吓書嘅,都鍾意寫啲mood嘢,寫係襯番張相啫。」
高Ling最近努力減肥,即將為代言嘅纖體公司拍新一輯照片,佢話:「我哋合作咗5年,續咗約,希望可以減多5至8磅。」因住上圍都縮水喎,咪神不再?佢話:「最緊要身形均勻,我想firm啲,所以會做多啲運動。」
其實就咁嘅……34D高海寧,其實唔想再背負住咪神呢個名:「人一定要有成長過程,希望可以擺脫呢個名,遲啲想大家叫我好演員、好fit嘅女仔。」高Ling仲希望演技再進一步,望可去北京演藝學院修讀演藝課程,而目前正拍攝劇集《飛虎極戰》,仲不惜剪短頭髮飾演madam:「好期待嚟緊可以揸搶,好有型。」
而Zoie噚日遲大到,原來佢揸車碰巧遇上歌和老街疑似有人放炸彈封路,塞車半個鐘,令佢心急如焚。問到佢嘅結婚大計,佢話同男友有共識話:「一步步,追求訂結婚嚟,嚟一個小朋友嘛。」
34D高海寧話,人一定要有成長過程…佢唔想再俾人嗌佢做「咪神」喇。
聽到迫婚傳聞,高Ling反應甚大:「我使迫婚?唔係呀嘛!」