農曆新年係團圓嘅日子，所以點忙都好，呢個假期寧願搵少啲錢，都要同屋企人過，好似楊千嬅同老公丁子高咁，親子時刻係無價嘅，丁子高就喺微博放咗張一家三口照同大家拜個年：「丁家祝各位馬年行大運，一切如意又吉祥！」

而周秀娜前男友陳偉成(Avis)同現任女友尹蓁晞(Yumi)年初一就去咗海洋公園，農曆新年強國人應該銳減，行都行得開心啲，同行仲有一位太太，唔知係Avis定Yumi嘅媽媽呢?Yumi今朝亦喺微博祝大家:「恭喜發財，我有好幾年沒有在香港過新年了，今年一定要好好感受過年的氣氛，希望大家新的一年運氣好，身體健康，馬到功成」而陳偉成就放咗張猛男相(包括佢自己)同大家拜年:「恭喜發財，新的一年祝大家越來越fit，越戰越勇，越來越健康」

而剛為人母嘅內地女星姚晨就晒咗張囝囝小土豆嘅相，小土豆拎住封大利是，姚晨就話:「媽媽(即係佢)給的大紅包，我們一起去揮霍吧!」