韓國女團少女時代嘅前成員Jessica噚日獲正式放生，變返自由身，即係話佢以後可以自由接工作，返內地發展，唔使擔任會被前所屬嘅SM事務所追殺。而噚日首次真正回復自由身嘅Jessica就喺微博留言：「Missyouguystoo！Keepsmiling。」同時亦公開咗一張自己回眸一笑嘅相片，似乎佢都因為變返自由身而好開心。

對於有傳Jessica離開少時後，將會喺內地單飛出道，推出新專輯，Jessica方面就否認傳聞，又話：「新專輯錄音結束呢個報道唔係事實，我哋冇計劃出專輯，但是今後還是會以歌手、演員、音樂劇等多方面發展事業，希望大家關注同支持。」

據知被指會為Jessica新曲擔任作曲人嘅Gentleman亦回應話傳言唔係事實，佢話：「當時我畀Jessica聽咗我一首所創作嘅歌曲，佢當時亦只係以玩票性質同我錄咗一下音，關於發行新曲，我哋完全冇討論過。據我了解，Jessica目前會專注佢嘅品牌同事業。對於新曲，冇任何確定嘅事項。咁樣好容易引起誤會，我本人亦都感到好為難。」

有指Jessica認識Gentleman係因為緋聞男友K先生嘅介紹，Gentleman話佢有同Jessica談及一啲音樂上嘅話題，Jessica對作曲都好大興趣，佢強調所謂呢首歌絕對唔係Jessica嘅新歌，亦都唔係為佢嘅個人專輯而準備的，Gentleman話：「我個人認為Jessica作為歌手係好有潛能，而且還擁有個性強烈嘅聲音，所以都十分期待今後能有合作機會。」