美國流行天后Katy Perry前夫，英國著名喜劇演員羅素布蘭德（Russell Brand）最近接受訪問，唔單止大談Katy，仲開口講想同前妻做返朋友！羅素同Katy於2010年結婚，但婚姻只維持咗14個月就玩完，不過佢受訪問就指想同Katy建立返朋友關係：「我希望（做返朋友）呀，我好願意、好開放地想和解。如果我哋唔可以放低呢個世界上微不足道嘅個人爭議，我哋仲邊有希望呢？」佢又指同Katy嘅關係：「係我生命中好重要，好可愛嘅時光。」更指自己從不後悔同Katy結婚，整段婚姻關係都好正面，仲大讚對方係個出色嘅女人。直到今時今日，佢仲留有同Katy嘅「愛的紋身」，並指會保留呢個紋身。