回看眾網友的意見，當中不少看過由蔡卓妍、謝霆鋒及陳柏霖等主演的《情癲大聖》，都認為該片爛不忍睹，應被提名「最爛電影」，金話梅評委樂意吸取觀眾意見，特意增設「金話梅評審團特別爛獎」頒予《情癲大聖》，回報各位網上評審的意見，同時亦肯定該片在爛片界的地位。

網友話……

今次選舉有12,733位網友參與投票，不少更在網上熱烈討論，雖然當中可能有點尖酸刻薄，但希望各位電影界人士張開眼睛及耳朵，多看多聽各網友的意見。

Eric：所有敵手在WilliamHung前，都真係只是天上的小星星，WilliamHung這位「爛片巨星」一出，誰人匹敵？
嵐：點解冇得投《情癲大聖》㗎？爛片之中嘅爛片呀！
心一旦：黃精甫，唉，真係仲差過王晶。
梅子：我覺得《我亞媽發仔瘟》、《龍咁威2之皇母娘娘呢》、《雀聖》係擺到明無聊笑片一齣，目的就係爛，唔值得提名。真的爛片應該係那些扮高、扮勁的，只有導演和演員覺得掂，但係人人都覺得唔掂，例如《無極》、《長恨歌》、《阿嫂》。
haku：我去戲院睇《無極》，全場觀眾笑到流晒眼水，放風箏那場戲直頭笑到噴爆谷！
Tiga：港產片十套有六套都是爛片，金話梅選舉要比香港電影金像獎更難選。