昨日港股緊隨A股大反彈，中央更再次准許內地電企加電價，全線電力股卻反高潮下跌，嘉賓認為是項措施未能全面為電企解困，長遠盈利亦未必受惠，現況買電力股的話，似乎是「等運到」，多於「有前途」。

碩：亨達集團研究部董事黃敏碩
孫：主持孫柏文

孫：中央准內地電企加電價，唔知長遠可唔可以利好電力股板塊呢？
碩：都未必可以㗎。中央𠵱家唔可以加得太多，因為會加劇通脹影響民生，所以今次加價都未能全面為電企解困，日後中央仲會唔會加大力度救電企，股民對此亦存有疑問。事實上，今日電力股嘅股價都反映咗，政策對於電企推升盈利嘅幫助唔大；𠵱家平通街嘅股份多的是，又使乜揸住一個要等運到、又唔可以自己爭取更大盈利嘅板塊呢？

伍先生：I.T（999）𠵱家喺1.2元水平，但有成8厘幾息，博唔博得過呢？
碩：上個禮拜本地公佈咗個消費信心指數下跌，經濟增長又放緩，加上做零售都要睇舖租同勞工成本，佢早前又預期今年營業額升幅會較去年遜色，所以有啲洗倉現象。但係似乎就唔應該令佢股價跌咁多，因為佢業績顯示毛利係上升，特別係自家品牌都升咗，似乎就係巿場有啲捕風捉影，掟多咗。只要個巿造番好，佢彈返上去應該唔難。

click入 http://finance.appledaily.com以webcam參與節目及收看

歡迎phonein28698262暢談心得亦可email至mailto:[email protected]搶先貼股