日日開電視睇大台悶悶？悶嘅，可能你會揀睇韓劇，睇其他地方嘅綜藝節目。其實轉下台，香港仲有ViuTV同奇妙電視，嚟緊又會多咗啲嘢睇。

蕭定一旗下嘅hmvod都加入呢個行列，同本地網絡作者向西村上春樹合作，開拍同名劇集《向西聞記》。有份演嘅張繼聰、胡杏兒、張建聲等等，同張智霖、欣宜、連詩雅、何佩瑜（Jeana）、蕭定一等，今晚就喺金鐘萬豪酒店出席hmvod成立一周年活動，順便宣傳節目。

張智霖話新年忙於工作，未來有3部戲要應付，嚟緊想開演唱會，下星期同公司開會傾，如果真係太忙可能開唔到都唔緊要。4月拍會《暗黑者》，暫時仲係放緊假，都係留係香港，始終在家千日好，香港好多地方都未去過。近日去滑板場陪仔，所以跌到個身瘀晒，不過佢唔認老，只係話自己太高。

老闆蕭定一不停喺度推銷自己出品，佢話：「新製作有《向西聞記》同《性敢中環》，依家每星期都會放一集畀大家睇，唔使付費，大家都睇到。到5月13號就一次過放晒咁多集，俾付費會員一次過欣賞。

蕭定一又稱：「到依家為止，hmvod大概有4千部電影同片，俾付費會員點播，目標係今年超過6千部。」佢仲話用88蚊簽28個月，可以睇戲之外，仲有會送價值3000蚊家庭音響組合送畀會員喎。

《性敢中環》 有10集中環做背景，2018年第三季有得睇，黃真真監製，有欣宜同Jeana。Jeana接受訪問時話：「暫時知道唔使性感，有好多醉酒戲。我好鍾意美劇《Sex and the city》，呢部可以用中環題材背景，終於有呢啲題材，好鍾意呢個導演（黃真真），好高興同佢合作。」

Jeana又話，之前問欣宜攞演唱會飛，佢話爆晒。Jeana補充話：。自己睇，依家冇拖拍亦冇人追，但佢亦暫時唔想拍拖，因為嚟緊有好多新project要做。

雨僑就話：「呢個係人生最重要一個月，續約同結婚，條件三個字好好好，係三年開心價，公司畀係親生女價，出道10年都係呢間公司。未來老公係英皇好好，做嘢分開好啲。」