劉浩龍、崔碧珈、鼓手KevinBoy、女團Asone今日黃昏喺中環海濱參與快閃跑。啱啱新婚嘅KB，現身即刻得到唔少人嘅祝福，佢話同圈外女友小白拍咗七年拖，婚禮早前喺家鄉澳洲舉行，最主要同爸爸媽媽食飯，KB話:「我哋好簡單，進場儀式、蛋糕等都冇，係太太提議，我哋唔著重呢啲，不過都有鑽戒求婚，最重要爸爸媽媽開心。」

婚後全力造人？KB話：「太太湊住我已好辛苦，唔會造人住喇，太過鍾意自己依家嘅生活，我有個契女玩下已經好開心。」KB為家中長子，他稱妹妹已生小朋友，冇壓力，不過父母最初都贊同他不生孩政策，點知之後反口話想湊孫，不過KB就一於我行我素。

劉浩龍同崔碧珈兩個著晒長褲跑步，劉浩龍話:「之前同樣出席呢個活動著短褲，事後同事話太短，仲話我攞嚟搞。今次長褲唔怕焗到生熱肥，最多瘦咗啫、大腿。」劉浩龍依家同女友好少一齊跑步，因為大家隻腳都五癆七傷，所以會集中玩機械運動多啲。崔碧珈就經常練跑，有意挑戰全馬，大家都知崔碧珈上圍豐滿，佢呼籲大家一定要帶sportbra（運動內衣）。」