劉浩龍(師兄)、周秀娜、方力申、余文樂、苟芸慧、莊思敏同曾國祥等一眾藝人，早前接受專業賽車訓練，就係為咗參加今日舉行嘅明星蓮花挑戰賽，喺澳門東望洋賽道一較高下!

莊思敏噚日於排位賽時，曾發生炒車意外，要急住維修，今日喺試圈時嗰陣，莊思敏架車壞咗，被迫要停賽，佢表示：「我非常失望，加上有啲嬲，架車其實揸第一個圈返嚟嘅時候，我已經feel到架車有問題，我即刻想整，點知都補救唔到，結果出唔到。」莊思敏仲話如果有機會，佢出年會再落場，報番呢個「仇」。


而曾國祥因為架車問題，只開咗5個圈就要停賽，暫時跑道上明星選手得番余文樂、方力申、劉浩龍、方中信。