「四眼Cue后」吳安儀日前三奪女子桌球錦標賽冠軍後，娥特即刻喺Facebook上載早前同吳安儀及「神奇小子」傅家俊嘅合照，自爆喺10幾年前開始對桌球有興趣，皆因佢兩個仔喺英國讀書時都有打桌球，而喺英國，桌球係親子運動。

佢話留意香港桌球運動員嘅發展，指「神奇小子」馳騁球壇多年，最近雖然因為視網膜退化要暫停比賽，但都樂觀面對；而吳安儀三度稱后，「香港體育界屢放異彩，可喜可賀！」

有網民就質疑娥特係咪想藉此抽水？八方睇返傳媒報道，傅家俊去年喺訪問中透露過娥特10年前曾入場支持過佢，相信同娥特囝囝當時喺英國升學有關喎，而娥特喺去年嘅「香港世界桌球大師賽2017」準決賽，都有親身到場主持儀式兼留低睇比賽。