當年今日
關於我們
隔牆有耳:毓民話港人「不舉」 - 李八方
蘋果日報 2007/11/06 00:00
名嘴黃毓民噚日去到港大,同班大學生講吓新聞同言論自由。做咗傳媒成30幾年嘅毓民,一講番以前嘅威水史就滔滔不絕。毓民話,97回歸時,佢曾因為想挑戰政府嘅新聞自由底線,喺佢自己搞嘅雜誌封面上,印咗一大幅中華民國旗,仲要大大隻字寫明「國民黨不舉,黃毓民扯旗!」毓民叫大家唔好諗歪,佢嘅意思係話如國民黨唔舉中華民國旗,咁毓民咪幫佢哋扯起支旗囉。毓民又話,感到香港嘅自由不斷收窄,因為以往舉呢支旗好正常,但𠵱家就個個都「不舉」,冇人再敢舉呢支旗喎。