【馮仁昭四圍超】
無綫35.6℃拍古裝 6演員慘中暑
蘋果日報 2016/07/11 00:00
前日香港天文台錄得巿區35.6℃最高溫，係48年嚟最高溫嘅7月份單日紀錄，行落街都覺得辛苦，更何況着住古裝拍外景。嗰朝早陳凱琳孭飛嘅無綫古裝劇《翻生武林》喺將軍澳電視廣播城古裝街開工，就有6個演員熱到中暑，包括趙永洪、李嘉同埋4位臨時演員。
陳凱琳前日高溫下同大班演員着住古裝開工，結果趙永洪、李嘉同四位臨時演員齊齊中暑。
臨記暈倒抽筋
陳凱琳、黃智賢、李嘉、趙永洪等前日朝喺古裝街拍嘢，聽講拍到上晝11點幾，一個臨時演員突然暈低，跟住抽筋，之後3個臨時演員同趙永洪同埋李嘉亦相繼中暑，後來李嘉同趙永洪坐埋一邊飲水休息，總算冇乜嘢大礙繼續開工，但嗰4位臨時演員就要call白車送咗去醫院。游莨維前日喺fb上載成班演員開工嘅相。至於李嘉亦喺fb貼咗自己瞓低嘅相話：「人生第一次中暑！」
噚日馮仁昭打畀趙永洪，佢話：「我係接近啫，有小小症狀，未試過熱得咁交關。」係咪有4個臨時演員中暑要call白車？佢就話：「好似有一個上咗去。其實企喺度都大鑊！」
噚日馮仁昭打畀趙永洪，佢話：「我係接近啫，有小小症狀，未試過熱得咁交關。」係咪有4個臨時演員中暑要call白車？佢就話：「好似有一個上咗去。其實企喺度都大鑊！」
李嘉前日喺fb貼咗張瞓低嘅相，話自己中暑。