韓國電影票房除了睇真金白銀收入外，由於唔同電影價錢唔同，所以韓片統計票房就以入場觀影人次作準，當中去年影帝級人馬宋康昊就成為第一位擔正嘅作品累計超過1億觀影人次嘅演員。

而今年再次有破億觀影人次演員誕生，當中黃政民憑住與宋仲基同蘇志燮主演嘅《軍艦島》，作品累計觀影人次亦順利破億，由於《軍艦島》仍然熱播中，所以黃政民嘅累計觀影人次仍然不斷上升中。

現年46歲嘅黃政民於1994年出道，主演過多齣人氣作品，當中包括前年逾1341觀影人次嘅《燥底師兄生擒富二代》、大前年觀影人次逾1425萬嘅《半世紀的諾言》，還有970萬觀影人次嘅《流氓檢察官》等等。對於自己主演嘅電影深受觀眾歡迎，黃政民直言非常榮幸。