我來自加拿大之爛尾達人（二）| The Beggar in the Restaurant 店小二
蘋果日報 2018/06/10 16:00
乞客乞客地區消息蘋地專欄
因為之前畀客人投訴過我哋公司有同事私下提早last order，加上呢位加拿大阿叔講嘢又非常之神神化化，所以我哋都唔敢催，但last order時間都過咗五分鐘啦。
我：「唔好意思呀先生，我哋真係要last order，而家要幫你落單啦。」
加拿大叔：「得得得！哈哈！你哋班香港人真係做乜都好急好快㗎喎！輕鬆啲！我就要個XXX Tapas得啦！」
我當堂真係想＿一聲⋯⋯你唔最後嗰幾分鐘入嚟我咪唔急唔快囉！大叔你是咪喺加拿大慣咗last order前喺人哋餐廳開套戲睇幾個鐘之後先叫人幫你落單？
我：「好。」
嘢都廢事同佢嗲，單都唔打住，就飛去同師傅講食乜，等其他唔關事嘅師傅可以收工先。之後我就join埋其他同事一齊搞埋餘下收檔嘅嘢。
話咁快，都唔使幾分鐘，碟嘢已經ready。
加拿大叔：「哇！我成日喺加拿大啲餐廳食嘢，都未試過快成咁㗎！好唔好味㗎！？（露出懶係好風趣幽默嘅蕃薯樣）」
真係想答佢：「食啦你咁叉多嘢講！」
但虛偽的我：「嗯，希望你鍾意食啦！」
過咗一陣，阿加拿大叔又叫我啦。
加拿大叔：「小妹妹！我想refill多啲麵包仔！等我可以飽肚啲！哈哈！」
加拿大叔叫嗰款Tapas係有兩塊小麵包跟去點汁嘅，食完就無㗎啦，無咩瘋狂美式refill！而且就算我想偷雞做畀佢，廚房都無晒師傅，燈都熄埋啦。仲有，是咪叫個西班牙小食求飽肚咁風趣呀加拿大人？
我：「先生，唔好意思，我哋無得refill麵包仔㗎。」
加拿大叔：「你有辦法嘅！你咁醒目！你唔係要我堂堂一個加拿大人，初到香港，捱餓離開你餐廳呀嘛。（扮可憐）」
……查實我垃圾桶面頭都好似仲有幾塊麵包嘅，一係我執畀你？
我：「先生，唔好意思，廚房師傅都走晒，我真係無辦法。」
變臉加拿大叔：「你哋呢樣嘢就要改善下啦，有乜理由得兩塊小麵包咁少，價錢又收唔平，真係賺死你哋！我喺加拿大食開啲西餐，麵包可以唔使錢任refill仲好新鮮㗎。你呢啲麵包硬掘掘真係好麻麻囉。」
即係你expect我師傅10點幾同你搓麵團special整畀你呢位爛尾客人？一知道無得搲，個樣即刻西咗十級。
官腔的我：「嗯，明白。你嘅意見我會同公司反映㗎啦。」
無幾耐，因為要埋數，經理就畀單佢埋啦。本身佢見到經理都立即投訴碟Tapas啲包，但之後佢當然又提起佢最愛的加拿大，突然又開心返晒，喺度同經理瘋狂晒命。最搞笑係，經理埋完單之後都係要坐喺房埋數。雖然同加拿大人隔左一張枱，但佢無視經理hea答，仲不停keep going講自己嘅嘢，加埋經理個假笑無奈樣，真係好笑到我同同事都標眼水。
最後加拿大叔食完個Tapas就好乖咁起身走人，不過亦都有可能係間房越來越多人（換晒衫等食宵夜嘅同事）越來越嘈嘅原因。大叔離開嗰陣，我同另一位同事同佢講bye bye，大叔就用一個好燦爛嘅笑容話：「Bye bye啦！你哋得閒嘅就去加拿大搵我啦！」
雖然加拿大叔叔好煩地不停強調自己係加拿大人，又好度縮地叫一個小食想食飽自己，而且爛人尾又無畀Tips，兼言語間又串串貢唔多禮貌。不過我都有少少同情佢，因為我覺得佢係一個無乜朋友兼十級寂寞嘅中年大叔。如果唔係都唔會成十點鐘，自己一個出街食飯，再搵咁多陌生人講自己嘢。
查實，大叔呀！唔係間間餐廳都會好似我哋咁和善，爛住尾都肯聽你吹水㗎！我唔知喺加拿大爛人尾有咩待遇，但香港我就知可以好危險囉。乖！大叔你都係盡快買機票返返去加拿大啦！
我來自加拿大之爛尾達人（一）
https://hk.news.appledaily.com/district/realtime/article/20180603/58268873
專欄作者簡介：
The Beggar in the Restaurant 店小二Mary
我係一位從來唔對客人黑面，經常笑面迎人嘅侍應，著有《乞客MENU》。
Facebook專頁：The Beggar in the Restaurant乞客
https://www.facebook.com/BeggarintheRestaurant/
發掘更多身邊的小城故事，請LIKE 蘋地 Facebook Page，並設定為「搶先看」： https://www.fb.com/appledailyland
我：「唔好意思呀先生，我哋真係要last order，而家要幫你落單啦。」
加拿大叔：「得得得！哈哈！你哋班香港人真係做乜都好急好快㗎喎！輕鬆啲！我就要個XXX Tapas得啦！」
我當堂真係想＿一聲⋯⋯你唔最後嗰幾分鐘入嚟我咪唔急唔快囉！大叔你是咪喺加拿大慣咗last order前喺人哋餐廳開套戲睇幾個鐘之後先叫人幫你落單？
我：「好。」
嘢都廢事同佢嗲，單都唔打住，就飛去同師傅講食乜，等其他唔關事嘅師傅可以收工先。之後我就join埋其他同事一齊搞埋餘下收檔嘅嘢。
話咁快，都唔使幾分鐘，碟嘢已經ready。
加拿大叔：「哇！我成日喺加拿大啲餐廳食嘢，都未試過快成咁㗎！好唔好味㗎！？（露出懶係好風趣幽默嘅蕃薯樣）」
真係想答佢：「食啦你咁叉多嘢講！」
但虛偽的我：「嗯，希望你鍾意食啦！」
過咗一陣，阿加拿大叔又叫我啦。
加拿大叔：「小妹妹！我想refill多啲麵包仔！等我可以飽肚啲！哈哈！」
加拿大叔叫嗰款Tapas係有兩塊小麵包跟去點汁嘅，食完就無㗎啦，無咩瘋狂美式refill！而且就算我想偷雞做畀佢，廚房都無晒師傅，燈都熄埋啦。仲有，是咪叫個西班牙小食求飽肚咁風趣呀加拿大人？
我：「先生，唔好意思，我哋無得refill麵包仔㗎。」
加拿大叔：「你有辦法嘅！你咁醒目！你唔係要我堂堂一個加拿大人，初到香港，捱餓離開你餐廳呀嘛。（扮可憐）」
……查實我垃圾桶面頭都好似仲有幾塊麵包嘅，一係我執畀你？
我：「先生，唔好意思，廚房師傅都走晒，我真係無辦法。」
變臉加拿大叔：「你哋呢樣嘢就要改善下啦，有乜理由得兩塊小麵包咁少，價錢又收唔平，真係賺死你哋！我喺加拿大食開啲西餐，麵包可以唔使錢任refill仲好新鮮㗎。你呢啲麵包硬掘掘真係好麻麻囉。」
即係你expect我師傅10點幾同你搓麵團special整畀你呢位爛尾客人？一知道無得搲，個樣即刻西咗十級。
官腔的我：「嗯，明白。你嘅意見我會同公司反映㗎啦。」
無幾耐，因為要埋數，經理就畀單佢埋啦。本身佢見到經理都立即投訴碟Tapas啲包，但之後佢當然又提起佢最愛的加拿大，突然又開心返晒，喺度同經理瘋狂晒命。最搞笑係，經理埋完單之後都係要坐喺房埋數。雖然同加拿大人隔左一張枱，但佢無視經理hea答，仲不停keep going講自己嘅嘢，加埋經理個假笑無奈樣，真係好笑到我同同事都標眼水。
最後加拿大叔食完個Tapas就好乖咁起身走人，不過亦都有可能係間房越來越多人（換晒衫等食宵夜嘅同事）越來越嘈嘅原因。大叔離開嗰陣，我同另一位同事同佢講bye bye，大叔就用一個好燦爛嘅笑容話：「Bye bye啦！你哋得閒嘅就去加拿大搵我啦！」
雖然加拿大叔叔好煩地不停強調自己係加拿大人，又好度縮地叫一個小食想食飽自己，而且爛人尾又無畀Tips，兼言語間又串串貢唔多禮貌。不過我都有少少同情佢，因為我覺得佢係一個無乜朋友兼十級寂寞嘅中年大叔。如果唔係都唔會成十點鐘，自己一個出街食飯，再搵咁多陌生人講自己嘢。
查實，大叔呀！唔係間間餐廳都會好似我哋咁和善，爛住尾都肯聽你吹水㗎！我唔知喺加拿大爛人尾有咩待遇，但香港我就知可以好危險囉。乖！大叔你都係盡快買機票返返去加拿大啦！
我來自加拿大之爛尾達人（一）
https://hk.news.appledaily.com/district/realtime/article/20180603/58268873
專欄作者簡介：
The Beggar in the Restaurant 店小二Mary
我係一位從來唔對客人黑面，經常笑面迎人嘅侍應，著有《乞客MENU》。
Facebook專頁：The Beggar in the Restaurant乞客
https://www.facebook.com/BeggarintheRestaurant/
發掘更多身邊的小城故事，請LIKE 蘋地 Facebook Page，並設定為「搶先看」： https://www.fb.com/appledailyland
