今午（15日）沙田日賽以潘頓加3號馬最強，須知他共騎四匹3號馬出賽，結果勁取三冠一亞不失Q，當中包括在最尾第十場三班1400米，由頭帶到尾大熱掄元的「開心好玩」（沈集成馬房），單Win及組合獨贏A1分別派20及16元。

潘頓四匹3號座騎中，除第二場泥地「安賦」跑第二外，餘下第一場「榮冠大道」、第五場「朝五晚九」及第十場「開心好玩」俱在草地取勝。潘頓另一頭馬為第八場泥地1號「二郎」，他就此成為季內首位一日四捷騎師，兼順利勝出騎師王。

回說在最尾第10場排1檔的「開心好玩」，這匹六歲新西蘭自購馬於開鑼日（1日）由黎海榮跑1200米得第四，今場匆出換潘頓順利補中，一放到底輕勝1.5馬位，錄得本身在港第二次贏馬。

沈集成開季理想，暫時四個賽日均有馬贏共取五Win，而單計頭馬數目，他與告東尼及呂健威並列榜首。沈集成表示「開心好玩」跑1400好過1200米，上仗1200米得殿軍後潘頓立即主動索騎，他果然為馬兒贏馬補中 ，馬主都十分開心。

第十場跑出平頭亞軍，包括「吉金寶」及「神威敖翔」，第四名為「綫路勇駒」。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港