許昨在警方及消防處聯合發報會上重申，佔領旺角演變成公眾動亂風險，對居民造成重大滋擾，又指影響運輸業界收入；金鐘佔領區堵塞中信緊急出口，帶來巨大風險，促請示威者尊重法庭禁制令。
許又指，旺角佔領區形勢仍險峻，是高風險地區，連日來警方在旺角拘捕87男7女，年齡介乎17至71歲，干犯刑事毀壞、行為不檢、藏有攻擊性武器和拒捕等；直至昨上午也有61名警員報告受傷。
對於有示威者被警棍扑穿頭，許昨被問是否違反只可扑打四肢指引時，先指「警方用警棍係防止佢哋用雨遮攻擊我哋警務人員，佢哋有掟水樽、掟硬物，搶鐵馬嚟掟鐵馬，我哋當時已經作出多次警告，希望佢哋停止激進行為」，但沒回答扑頭是否違指引。
許第二次被問及警員可否用警棍扑示威者頭部時，依舊沒正面回應，「警務人員用任何武力目的，唔係想去傷害任何人。我哋使用最低武力，包括使用警棍保護」。
第三次被問及同一問題時，許回應中帶點怒氣，「我要澄清你嘅講法，警方使用棍唔係用嚟扑頭，使用武力目的係防止罪案發生。警方使用警棍唔係用嚟傷害任何人」。