現年33歲「細細粒」陳嘉佳平時幕前多數扮演等愛嘅女人，現實生活中佢嘅感情生活又如何呢？

噚晚細細粒同疑似男友偕一身黑，去紅館睇張敬軒演唱會，兩人肩並肩入場，細細粒好大方冇避忌，甫坐低，軒仔粉絲眼利，衝上前向細細粒「集郵」，佢哋仲開心玩自拍。疑似男友識做先坐下，做細細粒背後嘅男人。

期間兩人專注睇騷，不時互望交流，身穿黑色透視裝嘅細細粒常凝望對方甜笑，真係睇背脊都覺得好登對。噚晚仲有軒仔叫「閨密」嘅容祖兒同蔡卓妍嚟撐場，楊千嬅做表演嘉賓。

細細粒今日回覆《蘋果》，問到佢帶男友睇騷，佢就話：「次次影親都係佢，佢係我表哥，又係我經理人。」據知男方叫John，細細粒自爆上次同表哥同表姐去泰國玩，強調o依家單身：「我仲等緊我的真命天子。」

精選娛聞，喺晒《娛果》
http://fb.com/appledailyent