地產多聲道：投資者炒居屋密食當三番
蘋果日報 2004/05/17 00:00
近一年豪宅投資者，幾乎個個賣樓都賺到笑，但有啲投資者就鍾情細價貨，吸納二手居屋，翻新後轉手圖利，都一樣有唔錯嘅斬獲。
蘭西聽業內人士講，一名投資者近期先後喺自由市場，購入將軍澳區多個居屋單位，而多年來出現沉降，至今業主會重同房委會拗緊維修問題嘅富康花園，重係買入數量最多㖭，每個入貨價幾十萬，翻新後出售價一百萬內，都執到十零二十萬㗎。
業內人士話，呢名投資者因為本身識裝修，將單位翻新後，同發展商嘅示範單位有得揮，唔少睇樓客，特別係一啲年輕一族，睇完後都覺得好正，認為同買一手樓冇乜分別，但價錢就平一截，嗱嗱聲就扑槌啦。呢名投資者就實行「密食當三番」。
珀麗三期西南樓最貴
下個月至開賣嘅焦點新盤，馬灣珀麗灣三期，新地已經不斷發動宣傳攻勢，呢個盤西南嗰面望汲水門，另一方向望青馬橋，都係好煞食嘅靚景，問到邊個方向會賣貴啲？新地代理執行董事雷霆就話兩邊都多人鍾意，果然識避重就輕，冇直接解答。
不過，佢就講咗個古仔畀蘭西聽，話旗下出租嘅中環國際金融中心二期，啲老闆好多都唔揀望鯉魚門嘅方向座，反為霸咗個望西南嘅位。
風水師話八運利望西南樓，咁珀麗灣邊個方向單位賣價高啲，都已經呼之欲出啦！
蘭西聽業內人士講，一名投資者近期先後喺自由市場，購入將軍澳區多個居屋單位，而多年來出現沉降，至今業主會重同房委會拗緊維修問題嘅富康花園，重係買入數量最多㖭，每個入貨價幾十萬，翻新後出售價一百萬內，都執到十零二十萬㗎。
業內人士話，呢名投資者因為本身識裝修，將單位翻新後，同發展商嘅示範單位有得揮，唔少睇樓客，特別係一啲年輕一族，睇完後都覺得好正，認為同買一手樓冇乜分別，但價錢就平一截，嗱嗱聲就扑槌啦。呢名投資者就實行「密食當三番」。
下個月至開賣嘅焦點新盤，馬灣珀麗灣三期，新地已經不斷發動宣傳攻勢，呢個盤西南嗰面望汲水門，另一方向望青馬橋，都係好煞食嘅靚景，問到邊個方向會賣貴啲？新地代理執行董事雷霆就話兩邊都多人鍾意，果然識避重就輕，冇直接解答。
不過，佢就講咗個古仔畀蘭西聽，話旗下出租嘅中環國際金融中心二期，啲老闆好多都唔揀望鯉魚門嘅方向座，反為霸咗個望西南嘅位。
風水師話八運利望西南樓，咁珀麗灣邊個方向單位賣價高啲，都已經呼之欲出啦！
有見內地市場極具發展潛力，美聯都有喺內地設立分行，為咗加強兩地嘅聯繫，美聯物業三名董事級人馬，包括張錦成、羅國安同王偉榮，日前就巡視美記深圳總部，同二百幾個前線員工做交流，推動兩地文化互換，同加強合作商機。
三人喺介紹香港樓市市況之餘，重鼓勵當地員工轉介內地客買香港樓，首十名成功轉介嘅代理，可獲贈足金金幣。睇嚟香港嘅員工都要主動啲，向港人推介內地樓，平衡一下啦！
近嚟物業買賣呈膠着狀態，部份炒家見勢色唔對及早出貨，住宅「摸貨」比例急升至九七年水平；原來舖位交投嘅「摸貨」比例都唔弱。聽利嘉閣測量行店舖部高級營業董事翁鎮滿講，上個月共有四百六十五宗舖位買賣登記，當中四十九宗屬「摸貨」，佔近一成一，比三月嘅七點五個巴仙多。
不過，翁鎮滿話，由於業主普遍看好後市，唔少有實力嘅重選擇「上會」，照咁睇舖價大跌機會唔大。
地鐵公司多年嚟喺旗下商場，舉辦「全面優質顧客服務計劃」，包括搵人假扮顧客，去試吓商場租戶啲服務態度，選出表現最好嘅，頒個獎表揚吓佢哋，每個月會選出「每月之星」，全年重有一個總冠軍㖭。
聽中原地產九龍灣德福分行經理林麗芳講，佢哋啱啱就攞到「每月之星」獎，係公司第一次獲獎。咁難得攞獎，所以獎狀放喺公司當眼處，等啲客都知道，同埋時刻提醒同事要繼續努力。
蘭西
電郵地址：
雷霆（圖）以講古形式，暗示珀麗邊個方向嘅單位最貴價。
雷霆以講古形式，暗示珀麗邊個方向嘅單位最貴價。
攞優質顧客服務獎喎，中原梗係將獎狀放喺當眼處威吓啦。