裕美拎袋做妹仔自稱係林母奴隸 陪情敵Bronte現身港姐複試
蘋果日報 2021/06/16 18:04
王莉妮Bronte霍穎璇林作裕美
TVB上周四舉行首輪面試，今日再進行港姐第二輪面試，一眾《2021香港小姐競選》參加者在康城港鐵站轉乘專車前往TVB電視城。早前林作提名「東涌羅浩楷」Kirsten（霍韻璇），林作母親（王莉妮）則提名19歲氣質「契女」霍穎璇（Bronte）成功進入第二輪面試，巧合與「東涌羅浩楷」Kirsten的中文名只一字之差。
林母接受媒體訪問時稱，覺得Bronte與林作前度麥明詩相似，更揚言對方是理想新抱。今日林作女友裕美更化身妹仔陪「情敵」Bronte到場，落車時裕美主動幫Bronte拎袋，裕美自稱係林母奴隸，陪霍小姐面試。
裕美甫到場先自我介紹：「今日係霍小姐助手！」講到Bronte是否要她照顧？裕美笑笑口講：「可以咁講，我而家係林母嘅奴隸，任佢差遣，佢叫我陪，我就陪佢契女過嚟。」問到她是否不情願，裕美爽快地說：「我好甘願，平時都冇咁早，晨早流流見到靚女梗係精神！」
提到林母向Bronte開綠燈，表明想對方做新抱，Bronte即是她的情敵？裕美說：「我冇所謂，我個人好大方。」之後裕美拍一拍Bronte膊頭，續道：「辛苦佢，做佢新抱都唔係咁容易㗎！」
問到Bronte是否想跟裕美爭林作，Bronte坦言：「唔係！」此時，裕美搶答：「人哋咁後生，唔一定揀林作。」講到Bronte早前拍ViuTV節目《MIRROR EURO鬥GOAL FUN》，裕話即擋駕：「好耐之前嘅事！」記者再追問今屆歐洲國家盃是最近的事，二人均沒回答便上車。
19歲Bronte畢業於理工大學英文系，過去曾做平面廣告模特兒，近期更現身ViuTV節目及參加TVB選美，被指「食兩家茶禮」，未知這位林母眼中的理想新抱，最後會否能夠嫁入林家，不過早排翻查Bronte的IG，見她跟裕美早已認識，估計未必會橫刀奪愛。
林作母親提名的契女Bronte（右）順利進入第二輪面試。
今早10時50分到達康城港鐵站，由林作女友裕美做助手，幫Bronte拿袋。
裕美解釋是受林母之命帶契女面試：「我而家喺林母嘅奴隸，任佢差遣。」
曾傳出林母（左）捧Bronte做港姐新抱踢走林作女友裕美。（資料圖片）
林作提名19歲「東涌羅浩楷」參選港姐，被網民熱捧指其貌似「佛祖」，林作則讚Kirsten似楊貴妃，有內在美。
「準新袍」裕美與「理想新袍」Bronte一早相識。（IG圖片）
笑容甜美的Bronte曾做平面廣告模特兒。（IG圖片）
林母稱Bronte跟麥明詩相似。（IG圖片）
Bronte早前拍ViuTV節目《MIRROR EURO鬥GOAL FUN》。（電視截圖）
-----------------------------