當年今日

行孖咇:2R蒲鵝頸橋街市 一食大樹菠蘿笑晒!

蘋果日報 2006/09/04 00:00


女仔鍾意行街買嘢係事實,而女仔有一手好廚藝亦好應該,但唔知幾時開始,年輕女子話識煮飯甚至鍾情烹飪,好多人都會投以懷疑眼神。「行孖咇」版第一日,我哋搵嚟2R向讀者們介紹佢哋平時至愛蒲點時,第一個答案居然係鵝頸橋街市買餸!聽到後反應係懷疑:「吓?2R識得煮飯嘅咩?唔似喎,係咪真㗎?」不過當佢哋出到街市,見佢哋揀菜揀肉都有板有眼時,小記真係要為之前嘅懷疑而道歉!
記者:黃藹瑩
攝影:陳盛臣
髮型:[email protected]
服裝提供:Ztampz
2R到鵝頸橋街市,其中必到之地就係堅記鮮果店。一去到呢檔生果舖,小記立即忍唔住掩鼻,因為聞到最憎最臭的大樹菠蘿味道,點知一望Rosanne同Race兩個,竟然已問緊果檔阿姐價錢,二人面上流露出開心興奮的神色,最後用$15買咗一Pack。由於之前出席完Function就立即趕嚟銅鑼灣影相,兩位雖然慣咗「煉仙」,但肚餓起來,兩人竟即刻喺街上食起大樹菠蘿,Race見小記面有難色,奇怪咁問:「馬來西亞嘅好好味,大樹菠蘿先至係果王呀,阿姐都唔係成日有得賣。你食嚿啦!」(多謝晒先!不過都係No啦!)
empty
★聞到「果王」大樹菠蘿「香味」(見仁見智啦!),兩人二話不說跑過去問價。
empty
★攻陷街市之後,手拿戰利品的2R即刻笑逐顏開。街市途人不忘同2R揮手打招呼。
empty
2R買餸3大熱點
揀排骨煲肉骨茶
講到煮飯買餸,家姐Rosanne明顯叻過Race,不時教記者點煮點揀,表現雀躍。「我由細到大都好鍾意行街市,喺新加坡時都會陪媽咪買餸,Race怕街市濕𣲷𣲷,所以比較少行。」Race:「Rosanne好鍾意自己煮飯,尤其係飲湯,佢每日都要自己煲湯水,所以我成日都有靚湯飲。」一講到煲湯,Rosanne又再興奮起來,問我:「你有冇飲過新加坡的肉骨茶?識唔識整呢?我教你!」(算啦,記者煮食天份係零,無謂浪費材料啦!)
empty
★Rosanne話煲肉骨茶,揀半肥瘦的腩排就最Fit,即時買了$15。
empty
★源興肉食檔的妙姐一眼就認得2R,仲話見佢哋今日兩個都着得咁靚,叫佢哋喺肉檔前留倩影。
靚菜心白灼最好
有肉自然要有菜,Race兩姊妹要上鏡,要KeepFit全靠自己自律。Rosanne:「每餐唔會食得太飽,平日唔出街都會選擇喺屋企煮,自己煮當然煮得清淡啲,唔會太油膩。」菜係KeepFit人士至愛,亦是2R的主要食糧,Race:「其實我哋兩個好為食,街邊檔又好乜都好,都鍾意食,但要KeepFit,有時一日得一餐,夜晚又唔敢太豐富,好易肥,只有食菜唔怕肥。」Rosanne手執菜心話:「食菜都最好係灼嘅,炒就太油膩,要食少啲。近期菜心都OK,唔加油灼熟食都好甜好好味。」(做明星真辛苦!)
empty
empty
★菜檔收錢阿姐話今次先知佢哋係明星,所以立即攞出紙筆叫2R簽名留念。
empty
★呢兩位哥仔想點呀?望住2R好耐啦……
empty
★原來係想合照,大方啲講出嚟,我實會叫攝影師哥哥幫你影張,不過Sorry,唔得閒Send番畀你,剪報啦。
「鵝頸橋叉燒平過中環」
香港除咗有蛋撻同絲襪奶茶外,叉燒一樣受歡迎。新加坡長大的2R最愛食,Race:「冇一個地方嘅叉燒係比香港好食,所以我喺香港就一定成日食叉燒。」Rosanne又再以佢買餸專家的角度同我哋講:「香港有好多地方都有好味的叉燒食,不過嚟到鵝頸橋街市就要試吓利豐燒臘,唔只好味,買$15已經好多,比中環抵食好多。」
empty
empty
★$15又的確幾多,不過我就比較鍾意有多啲肥豬肉的叉燒。
登龍街醫肚 食車仔麵
銅鑼灣對二人嚟講絕不陌生,分分鐘熟過你。佢哋兩個話成個晏晝都冇食過嘢,要搵啲熱食醫肚,登龍街內的新記車仔麵就係佢哋的目標。Rosanne:「今晚我哋要排舞,所以都唔可能食太多,不過我最推介呢度啲咖喱魚蛋。」
empty
empty
empty
新記車仔麵
銅鑼灣登龍街49號地下B舖(25735438)
empty
最平之選:渣甸坊女人街
2R每季的置裝費最少過百萬,所以平日行街買衫都盡量愛掃平貨。Race:「買貴衫就一定會揀襟興款式,可以多着幾次,有太明顯的花就唔可以交換着成日着,好浪費。我最近睇中咗對Chanel長Boots,款式唔算係襟興款,仲考慮緊。一啲普通嘅打底衫、襪,我哋都寧願去女人街買平貨。」 
empty
empty
★可愛少女必備的頭箍,$8一個好抵。
empty
★兩人都係喱民(即鍾意着喱士),見到賣喱士的舖頭即刻埋去。
empty