當年今日
關於我們

【我是歌手】討好贊助商? G.E.M.紅頭白衫似足「立白」logo

蘋果日報 2014/04/04 06:00

我是歌手

G.E.M.最大勁敵韓磊找來兩位幫手張嘉譚同胡彥斌合唱經典蒙古族歌《鴻雁》,不少人都企起身拍和。當張宇和大馬歌手茜拉唱完後,由G.E.M.壓軸演出,幫唱嘉賓為方大同。G.E.M.紅頭同白色衫,同大會贊助商「立白洗衣液」嘅紅白色logo完全一模一樣,變成「立白G.E.M.」。

今次兩人合唱《春天裡》一曲,G.E.M.負責彈琴,戴超著黑衫嘅方大同就彈電結他。方大同嘅演出比其他幫唱歌手較平淡,似是不想搶G.E.M.的鏡,等佢可發揮。

G.E.M.到中後段多咗啲爆咪solo,對比之前六組,但綜觀成首歌都唔多爆咪情況,兩人揀此歌同演出都算係穩陣。事後方大同後台受訪時,直認頭先演出有少少緊張。方才宣佈入圍名單,G.E.M.成功殺入五強。

而喺之前嘅三位歌手都演出咗,先出場嘅就係韓磊,佢就同埋張嘉澤同胡彥斌,一齊唱出《掀起你的蓋頭來》,三個大男人將大家帶返去民歌情結嘅年代,有男人嘅豪情,又帶一點俏皮。

而接住出場嘅就係張宇同陳志朋,佢哋就唱出五月天嘅《傷心的人別聽慢歌》同埋《舞娘》,佢兩個嘅搭配魅惑橫生,輪番用男色激流映射整個舞臺,各領風騷。

之後就到茜拉,佢就同埋黃綺珊一齊唱出《WhenYouBelieve》,茜拉一向嘅實力都不容置疑,加上佢唱埋英文歌,親切感加咗唔少,聽起上嚟,比佢唱國語好好,始終用自己熟識嘅語言,係會唱得好啲。