賴：前騎師賴維銘
記：記者吳文輝

記：蘇兆輝今季重臨，風頭雖然無上季咁勁，不過仍受到好多練馬師支持，希望可以憑佢出色騎功爭取佳績。

賴：好騎師當然個個練馬師及馬主都想用，好似今晚（18日）谷草第七場三班1650米嘅「共創歡樂」，以往未試過用潘頓及莫雷拉策騎，今次突然扳到蘇兆輝執韁，說不定會帶來驚喜。

「共創歡樂」為上季高分自購馬，可惜當時表現平平，評分亦不斷下調，本應近仗一再遇不利形勢，例如之前兩次由黎海榮策騎被迫出外叠，轉彎前焗住發力，影響埋門衝刺。

到上仗改配巫顯東，本來坐住前列包廂好好跑，但人算不如天算，入直路打困籠，未能全力施為，群駒衝線下雖然跑第七，但只係輸個多馬位，賽績未能反映實力。

「共創歡樂」評分已減不少，連場接近狀態已有水準，今場掛頭牌只是70分馬，是一場水準唔高的三班賽，配蘇兆輝只要有正常發揮，當可坐位望贏。

記：除評分外，狀態都係爭勝關鍵。第六場四班1200米「極爽」今季兩戰無睇頭，不過最近似有起色，你又點睇？

賴：「極爽」上季尾開齋，感覺上不斷進步，可惜今季首戰熱門倒灶，馬會賽後指其表現不能接受，以一匹進步中之質新馬而言，應非如此不濟。

輸多一場後，「極爽」積極再做工夫，狀態亦與日俱增，日前試泥閘輕鬆勝出，朝氣重現。

目前處第四班有作為，如因前兩場賽績而成為半冷，就更加值博。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇